2026最新17間韓國半永久化妝中心推薦（霧/飄眉、紋唇、紋眼線等）

Hello，大家好，我哋係由韓國人每日提供最新韓國旅行資訊嘅Creatrip。

講起半永久化妝大家可能未必知道係咩，但其實大家平時聽到嘅霧/漂眉、紋唇、紋眼線都屬於半永久化妝嘅一種。如果你打算喺韓國做半永久化妝，可能都會諗：係咪真係平啲？應該揀邊種技術？睇唔明韓文評價又可以點揀診所？

小編自己喺首爾住咗超過7年，見到半永久化妝由以前比較少外國人留意，到而家變成好多遊客都會特登預約嘅熱門美容項目。不過間間中心水平都有差距，做之前一定要睇清楚。今日就等小編為大家介紹韓國半永久化妝，話你知揀半永久化妝中心時有咩要留意、韓國邊幾間中心值得去，等你可以按自己預算同需要，揀到啱自己嘅選擇。

韓國半永久化妝中心推薦

半永久化妝係咩嚟？

半永久化妝嘅原理係喺皮膚表層較淺位置上色，就好似紋身咁，所以洗面、出汗都唔易甩，日常化妝時間亦可以快好多，非常受歡迎。而可以喺韓國做到嘅半永久化妝療程包括眉毛、嘴唇、眼線、臥蠶、美人痣、髮際線等（甚至連乳暈療程都有..？）。

點解要喺韓國做半永久化妝？

韓國作為美容大國，好多美容、化妝類療程都達到國際級水平，但其實香港都有紋眉紋唇可以做，點解要專程去韓國做？根據小編呢幾年嚟嘅觀察，發現到原來韓國半永久化妝：

1. 技術成熟，效果自然

韓國做半永久化妝已經發展得好成熟，無論係技術、審美，定係細節處理都相對細緻。好多診所唔會只係照樣做，而係會按你嘅面型、五官比例、皮膚狀態，甚至平時化妝習慣去設計，所以效果通常會自然啲、精緻啲。

2. 價錢相對更抵，CP值高

喺香港做價錢普遍偏高，韓國就通常相對更親民，同時技術水平、服務流程同整體完成度都維持得唔錯，所以對唔少人嚟講，會覺得整體CP值更高。

3. 對外國遊客嚟講越嚟越方便

而家越嚟越多診所都有接待外國客嘅經驗，無論係中/英文溝通、預約流程，定係術後護理說明，都比以前方便得多。就算唔識韓文，只要事前做足功課，其實都可以比較安心咁安排預約。

韓國半永久紋眉分邊幾種？

韓國半永久化妝療程當中以紋眉最受歡迎，上網search資料都會出現飄眉、紋眉等等嘅字眼，到底有咩分別？雖然每間美容中心療程選項同手法都未必一樣，不過總括嚟講韓國紋眉最主要嘅四種技術包括：

做紋眉等韓式半永久化妝療程前都會先搽麻醉，所以成個過程基本上唔會點痛，而效果通常可以維持一年到一年半左右。

💡小編小貼士：做諮詢嘅時候療程師通常會先睇你本身嘅眉量、面型，同埋你平時化妝嘅習慣，再幫你推薦適合嘅款式，建議大家可以參考專業意見。如果仲未決定好，小編會比較建議揀霧飄混合眉，效果夠自然之餘持久度亦比較穩定。

揀半永久化妝中心要考慮啲咩？

小編睇過我哋網站上幾百個評價之後，發現做得好同伏嘅診所，其實都有幾個好明顯嘅分別。預約之前建議大家留意以下呢幾點：

✅ 作品集

大家通常都可以喺IG都搵到每間半永久化妝中心嘅療程Before&After比較圖，記住睇下作品係咪只得同一種風格，定係唔同面型、五官都處理得好？重點係唔好睇即日相，最好揀可以睇埋復原後嘅效果（做完4星期以上）嘅診所！

✅ 療程師經驗

建議最好搵有5年以上半永久化妝經驗，而唔係只係做一般紋身或者其他美容項目。如果有比賽經驗、得獎紀錄，通常都係加分位！

✅ 衛生標準

一定要確認係一次性針頭（可以直接問清楚）、有冇使用即棄工具，同埋整體環境夠唔夠乾淨。睇評價時都可以留意有冇人提到消毒流程，衛生真係非常重要！

✅ 中/英文溝通能力

如果想清楚表達自己想要咩效果、問術後護理細節，同埋有問題嘅時候，如果診所可以用中文或者英文溝通，流程會更加快，溝通會更加準確。

✅ 評價重點

睇評價時，可以留意以下關鍵字：「效果自然」、「痛感低」、「術後護理講解清楚」；相反如果見到話會「催你即場落單」、「效果太深太粗」、「術後跟進唔好」就一定唔可以揀。

17間韓國半永久化妝中心推薦

必去半永久化妝中心懶人包對照表

※上述價錢以2026年3月為準，實際價錢請於現場確認

江南 | Browdoll_{(브로우돌)}

• 地址：서울 강남구 학동로 208 2F
• 前往方法：鶴洞站（학동역）2號出口
• 療程種類：髮際線、眉毛、眼線、嘴唇、乳暈

「Browdoll」每個月有超過600人幫襯，施術經驗屬韓國頂級水準，線條同細節位做得好精緻，成品自然、滿意度高。加上位置近地鐵站，交通方便，想搵安心又高質嘅半永久化妝，可以將呢間放落考慮list當中！

💭Browdoll顧客真實評價

更多參考圖片&預約資訊👇🏻

[스팟] Browdoll（江南）

江南 | Serenbeaut_{(세렌뷰트)}

• 地址：서울 강남구 선릉로86길 34 6F
• 前往方法：宣陵站（선릉역）2號出口
• 療程種類：眉毛、眼線、嘴唇

呢間位於江南、近宣陵站嘅高級美容中心人氣同口碑都非常好，除咗半永久化妝，仲有電睫毛同瘦身等多款項目，想一次過做齊都得。

「Serenbeaut」美容師會按你面型同膚色去調整設計同護理，1:1度身訂造療程效果更自然，加上用料只揀高質又安全嘅材料，第一次去做半永久化妝都可以安心交俾佢哋。

💭Serenbeaut顧客真實評價

更多參考圖片&預約資訊👇🏻

[景點] Selen Beauty 宣陵本店

江南 | BAISOO_(바이수)

• 地址：서울 강남구 학동로59길 5 4F
• 前往方法：江南區廳站（강남구청역）4號出口
• 療程種類：髮際線、眉毛、嘴唇

位於江南清潭洞、累積超過10年口碑嘅人氣美容中心「BAISOO」由紐約名門FIT出身嘅代表院長主理，會按你嘅輪廓同想要嘅形象去做設計，提供真·度身訂做半永久化妝服務。

因為專業度高、效果好，所以連Clara、Heart Signal嘅金薔薇、李嘉欣、柳伊秀等眾多韓星同KOL都會去紋眉！所有療程室都係獨立房，唔使擔心被人望住，私隱有保障更放鬆。

💭BAISOO顧客真實評價

更多參考圖片&預約資訊👇🏻

[景點] Baisoo 清潭店【名人常去的紋眉/半永久化妝沙龍】

江南 | DELUMINA_{(데루미나뷰티)}

• 地址：서울 서초구 사평대로53길 18
• 前往方法：新論峴站（산논현역）2號出口
• 療程種類：髮際線、眉毛、嘴唇、眼線

「DELUMINA」嘅半永久化妝療程由經驗豐富嘅專業人士操刀，會按你面型同皮膚色調去設計，將你嘅優點放到最大，效果行自然路線但又夠精緻，同時反映出韓國美容同化妝潮流。而且衛生管理做得好嚴謹，可以安心去做。

而家透過Creatrip預約再參加評論優惠活動，仲可以得到一支高級睫毛營養液，記住唔好錯過！

💭DELUMINA顧客真實評價

更多參考圖片&預約資訊👇🏻

[스팟] Delumina

江南 | LEEUM CHEONGDAM_{(리움청담)}

• 地址：서울 강남구 강남대로154길 25 2F
• 前往方法：新沙站（신사역）8號出口
• 療程種類：髮際線、頭皮、眉毛、嘴唇

呢間江南美容中心主打紋眉同頭皮紋身，由具國際賽經驗嘅師傅操刀！特別係毛流感紋眉效果夠自然，而且唔會變色或者留印，而且效果可以維持超過2年，頭皮紋身都可以維持3-5年。

透過Creatrip預約之後填寫評論仲可以享用7折優惠，用更抵價錢做高質紋眉同頭皮紋身啦！

💭LEEUM CHEONGDAM顧客真實評價

更多參考圖片&預約資訊👇🏻

[景點] The Leeum 清潭

江南 | RED半永久化妝_{(레드 반달인아카데미)}

• 地址：서울 강남구 논현로167길 16 301호
• 前往方法：狎鷗亭站（압구정역）4號出口
• 療程種類：頭皮、眉毛、眼線、嘴唇、乳暈

呢間半永久化妝專門店有超過20年經驗，好多韓國名人都會去！療程師夠熟手同仔細，幾乎唔會痛、對皮膚刺激少，亦選用高級同唔會變色嘅顏料，療程後即刻洗面化妝都冇問題，完全唔影響日常生活。

更多參考圖片&預約資訊👇🏻

[스팟] 紋眉/半永久化妝- RED

弘大 | modenri_(모덴리)

• 地址：서울 마포구 연남로 8 4F
• 前往方法：弘大入口站（홍대입구역）3號出口
• 療程種類：頭皮、眉毛、眼線、嘴唇

弘大入口站3號出口行5分鐘就到嘅「modenri」，係一間可以全程喺獨立房做半永久化妝療程嘅美容中心，主打自然系風格，效果乾淨細緻，推薦想做完療程之後效果唔誇張，但睇落更精神嘅朋友們。

另外最吸引嘅係會為外國顧客提供1年免費補色服務，下次嚟可以免費補色！

💭modenri顧客真實評價

更多參考圖片&預約資訊👇🏻

[Spots] modenri (紋眉/半永久化妝)

弘大 | Flotiz_{(플로티즈)}

• 地址：서울 마포구 연희로 19
• 前往方法：弘大入口站（홍대입구역）3號出口
• 療程種類：眉毛、眼線、臥蠶

如果今次係想做眼部半永久化妝，推薦大家去弘大入口站附近嘅「Flotiz」！呢度可以用中文溝通，而且由老闆全程親自進行設計同施術，確保可以為客人做出最滿意效果。

呢度更加有臥蠶同眼線等高難度療程，老闆會按照你嘅眼型同臉部結果進行設計，為你平衡臉部同眼睛比例，睇落更sharp！

更多參考圖片&預約資訊👇🏻

[스팟] Frothiz House（紋眉/半永久化妝）

明洞 | BlingBling Beauty_{(블링블링뷰티)}

• 地址：서울 중구 퇴계로 127 4F
• 前往方法：明洞站（명동역）8號出口
• 療程種類：眉毛

呢間明洞人氣半永久化妝中心由曾擔任國際美容大會評審嘅實力派院長主理，會根據面型同整體形象幫你設計同進行紋眉療程，價錢實惠之餘服務夠周到！

💭BlingBling Beauty顧客真實評價

更多參考圖片&預約資訊👇🏻

明洞 | Three Wishes_{(세가지소원의원)}

• 地址：서울 중구 명동8가길 33 3F
• 前往方法：明洞站（명동역）9號出口
• 療程種類：髮際線、眉毛、眼線、嘴唇

呢間專門做半永久化妝嘅診所喺日本遊客之間超有名氣，專家會根據五官、臉部輪廓、膚色等幫客人設計出最自然嘅眉毛形狀，客製化療程包你滿意。而且收費透明，唔會話因為係外國人就收多你錢，無論係髮際線、眉毛、眼線定嘴唇紋身都可以幫你做到最佳效果！

更多參考圖片&預約資訊👇🏻

明洞 | marksbrow_{(막스브로우)}

• 地址：서울 중구 명동7길 19 8F
• 前往方法：乙支路入口站（을지로입구역）5/6號出口
• 療程種類：頭皮、髮際線、眉毛、眼線、嘴唇

喺明洞「marksbrow」，大家可以享受由有超過20年經驗，進行過超過1萬次半永久化妝嘅療程師為你提供嘅專業服務，除咗基本紋眉，仲有頭髮分界線、髮際線等頭皮紋身療程，頭髮比較稀疏想補一補可以嚟呢度！

💭marksbrow顧客真實評價

更多參考圖片&預約資訊👇🏻

[스팟] marksbrow 明洞店

明洞 | ANIS2 BROW_{(아니스브로우)}

• 地址：서울 중구 삼일대로 299
• 前往方法：明洞站（명동역）10號出口
• 療程種類：髮際線、眉毛、眼線、嘴唇

明洞站10號出口一出就到嘅「ANIS2 BROW」由擁有10年以上經驗的資深技師以一對一方式進行，提供個人化、高質素但價錢合理嘅療程，特別係霧眉飄眉療程最受歡迎！

💭ANIS2 BROW顧客真實評價

更多參考圖片&預約資訊👇🏻

[스팟] [贈品活動🎁] 明洞ANIS2 BROW | 獲獎定製藝術化妝

蠶室 | Sum Ami Brow_(숨아미)

• 地址：서울 송파구 올림픽로 130 3F
• 前往方法：蠶室新川站（잠실새내역）3/4號出口
• 療程種類：眉毛、眼線、嘴唇、頭皮、挽臉、去除半永久紋身

開店超過16年，「Sum Ami Brow」憑藉多年現場累積專業知識，可以根據客人皮膚狀況同身體狀態，提供高質服務。而且韓國明星同KOL都會嚟做半永久化妝，即使客人要求嚴格都可以一直穩定展現出專業實力！

比起過度誇張，更著重自然效果，而且眉毛、髮際線、眼線、嘴唇等多種半永久療程都可以喺同一地方一站式完成，仲有挽臉可以幫你去除臉毛，填寫評論後更可免費體驗去黑頭療程，一定唔可以錯過！

更多參考圖片&預約資訊👇🏻

[景點] Sum Beauty（紋眉/半永久化妝）

三成 | ECOJARDIN_{(에코쟈뎅)}

• 地址：서울 강남구 테헤란로 514 2F
• 前往方法：三成站（삼성역）4號出口
• 療程種類：眉毛、眼線、嘴唇、頭皮

「ECOJARDIN」係一間韓國出名嘅髮型屋連鎖店，而喺三成COEX分店更加提供埋半永久化妝同頭皮護理療程嘅服務，更加有可以用英文溝通嘅工作人員常駐，唔需要擔心溝通問題！

更多參考圖片&預約資訊👇🏻

[景點] 可同時做髮型服務時順便做紋眉/半永久化妝 | Ecojarden COEX Samseong分店 美容中心

江西 | Liim Brow_{(리임브로우)}

• 地址：서울 강서구 곰달래로 264 3F
• 前往方法：木洞站（목동역）4號出口
• 療程種類：眉毛、電睫毛

江西「Liim Brow」療程師持有韓國政府頒發嘅化妝證書，亦係讀設計出身，半永久化妝同電睫毛技術夠專業。用色素係獲美國FDA認可嘅頂級天然色素，安全同質素有保證，亦都得到唔少好評！

💭Liim Brow顧客真實評價

更多參考圖片&預約資訊👇🏻

釜山 | LIAN MEDI CENTER_{(리안메디센터)}

• 地址：부산 부산진구 서면로 60 6F
• 前往方法：西面站（서면역）7號出口
• 療程種類：髮際線、眉毛、眼線、嘴唇

講起釜山半永久化妝，小編會推薦「LIAN MEDI CENTER（前JULIET BEAUTY）」！呢度出名做紋眉，睇落相當自然，就算係素顏可以維持美貌，推薦俾想效果維持得耐、望落自然、或者以前紋過但想換色嘅朋友！

💭LIAN MEDI CENTER顧客真實評價

 更多參考圖片&預約資訊👇🏻

釜山 | 金剛芭比美學工作室_(킹뷰티)

• 地址：부산 부산진구 가야대로 756 5F
• 前往方法：西面站（서면역）7號出口
• 療程種類：眉毛、眼線、電睫毛、護膚療程

釜山樂天百貨公司行3分鐘就會去到嘅「金剛芭比美學工作室」，係一間提供半永久化妝同電睫毛療程嘅美容中心，由韓國美容碩士、博士出身嘅專家同美容系大學教授親自為你進行療程，更加會先模擬眉型設計，盡量減少療程前後差異，做完後無尷尬期！

 更多參考圖片&預約資訊👇🏻

[景點] King Beauty (紋眉&lash;睫毛燙)

韓國半永久化妝常見問題FAQ

Q1. 去韓國做飄眉/霧眉要提早幾多預約？

A：如果係比較受歡迎嘅鋪頭，一般建議最少提早2星期至1個月預約。透過Creatrip就可以直接用繁體中文通港幣預約，唔需要另外自己搵聯絡方式。

Q2. 如果以前做過舊眉，而家想改色或者重新設計，仲可唔可以做？

A： 可以，不過要視乎舊色殘留情況、原本眉型深淺，同埋皮膚狀態而定。如果之前做過嘅顏色已經偏紅、偏藍，或者眉型太實太粗，未必可以即刻直接蓋色，建議預約前先提供素顏相俾店家評估會更穩陣。

Q3. 做半永久化妝前幾日要注意咩？

A： 一般建議療程前幾日避免去角質、做激光療程、飲酒，同埋盡量唔好熬夜。如果本身皮膚比較敏感，或者最近眉眼唇位置有發炎、脫皮、爆瘡情況，最好先等皮膚穩定返先再預約，效果通常會更理想。

Q4. 霧眉、飄眉、霧飄眉邊種最適合第一次做嘅人？

A： 如果你係第一次做，而且想效果自然又唔想太淡，通常霧飄混合眉會係比較穩陣嘅選擇；如果你本身眉毛條件唔差、平時妝感偏淡，可以考慮飄眉；如果平時有化眉習慣，或者想遮返舊有眉色，霧眉通常會更適合。最終都建議現場俾專業人士按你眉量同面型評估。

Q5. 做完之後可唔可以即刻洗面？

A：當日可以洗面，但要避免傷口掂到水，另外一般建議療程後2~3日內要keep住搽修復藥膏；化妝方面只要避開療程部位的話，其他位置基本上可以即日化。

Q6. 做完之後顏色會唔會一開始太深？幾耐先變自然？

A： 會，呢個情況其實幾常見。啱啱做完1至3日顏色通常會明顯啲，之後隨住角質代謝，1星期左右會慢慢柔和返，整體睇落自然好多。所以如果你本身比較擔心顏色太實，建議可以事前同療程師講清楚想要偏自然感嘅效果。

Q7. 韓國半永久化妝效果通常可以維持幾耐？

A：飄眉/霧眉一般可以維持約2~3 年，不過會因應膚質同施術方式而有個人差異。

Q8. 做完之後會唔會有恢復期嗎？

A：做完可能會有少少紅腫，通常1-3日後就會恢復，第二日開始已經可以化妝同洗面。啱啱做完顏色可能會偏深，但大概一星期左右就會慢慢變自然。

Q9. 我唔識韓文怕溝通唔到，會唔會有咩問題？

A：今日介紹嘅部分鋪頭有提供中文服務，如果冇提供嘅話就會透過翻譯器協助溝通，大家可以放心去做！而且如果係透過Creatrip預約，之後如果有咩問題可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，或者透過電郵help@creatrip.com諮詢，等客戶服務人員幫你同鋪頭溝通！

Q10. 旅行期間應該安排喺第幾日做半永久化妝會比較好？

A： 如果係短途旅行，小編通常會建議安排喺旅程前半段，而唔係最後一日先做。咁樣就算做完之後有少少紅、腫，或者想買修復用品、再問清楚護理方法，都仲有時間處理；如果係紋唇或者眼線呢類相對敏感部位，就更加建議唔好留到臨走前先做。

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！